2017 -оны 7 -р сарын 25
П.Давааням: Чингис хааны 721.1 тэрбум ам.долларын хөрөнгө минийх

Чингис Хааны Дэлхийн Академийн Тэргүүн, Хунтайж хэмээгч П.Давааням шавь нарын хамт хэвлэлийн бага хурал хийлээ.
Тэрбээр Өнөөгийн Төр засаг Чингис Хааны талаар  мэдлэггүйн улмаас мухар сүсэгт хэт автагдаж, үл бүтэх хүмүүсийн аманд багтаж аливаад хоцрогдсон, явцуу, буруу хандлагатай байгааг яаралтай засахыг шаардаж байгаагаа илэрхийлэв.

Тэрээр хурлынхаа эхэнд "Чингис хааны дэлхийн академи нь 141 орны 900 академичтай. Чингис хааны нэр дээр бүртгэлтэй зөвхөн үл хөдлөх хөрөнгө гэхэд 721.1 тэрбум ам.доллараар хэмжигддэг. Гэтэл яагаад энд тэндэхийн улс гүрнүүд Чингис хааны өв сочлыг булаацалдаад байна вэ гэхээр тодорхой эзэмшигч байхгүй хаячихсан учраас" хэмээгээд цааш нь"П.Давааням намайг Монгол Улсын засгийн газраас хүндэтгэн хүлээн авч, "Хунтайж" гэдгийг минь хүлээн зөвшөөрч, дэлхийд зарласнаар бид Эзэн улс хэмээн дэлхийд данслагдана" гэсэн үгээр сүржин үгээр эхэлсэн юм.

Түүнчлэн "Намайг Хунтайж гэдгийг хүлээн зөвшөөрч, Дэлхий нийтэд тунхаглахыг шаардсан бичгийг өнгөрсөн оны 9 сарын 19-нд өгсөн Монгол Улсын Ерөнхийлөгч, Ерөнхий сайд, УИХ-ын дарга гуравт өгсөн. Үүний хариуг удтал хүлээсний эцэст Монгол улсын Спорт, аялал жуулчлалын сайд, УИХ-ын гишүүн Ц.Оюунгэрэлээс надад 2014.10.08-ны өдрөөр хаягласан 1/А 3726 тоот албан бичгээр хариу ирүүлсэн байна.

Уг бичигт Чингис хааны Дэлхийн академийн тэргүүн П.Даваанямын ирүүлсэн албан бичгийг хүлээн  авч танилцлаа. Үндсэн хуулийн 3-р зүйлийн 1 дэх хэсэгт зааснаар Монгол Улсын Засгийн газрын бүх эрх ард түмний мэдэлд байхаар тусгасан бөгөөд энэ дагуу хувь хүнд ганцааранд нь эрхэм дээд эрхийг баригч цол юм уу бүрэн эрх олгох боломж байхгүй. Тийм учраас эрх зүйн үндэслэлгүй байна" гэсэн байсан.

Ийм хүмүүс өнөөдөр Монголын төрд сайд хийгээд УИХ-ын гишүүн болоод явж байна. Иймд энэ хариуг Монголын төр өгч байгаа хариу гэж үзэхгүй байна. Үүнээс шалтгаалаад маш олон зүйлийг бичиж, бай руу чирч байна" гэлээ.

Мөн үеэр П.Давааням есдүгээр сарын 23-ыг хүртэл өөрийгөө хүлээн зөвшөөрүүлэх хугацаа олгож байгаа бөгөөд хүлээн зөвшөөрөөгүй хүмүүстэй түүхэн хариуцлага тооцно хэмээсэн юм. Тэгвэл хурлын үеэр түүнээс зарим зүйлийг тодрууллаа.

- "Тэнгэрийн оньс" И.Мөнхсаруул гэгч хүн өөрийгөө Чингис хааны хойд дүрийг тодруулахаар ханцуй шамлан орлоо. Үүнд таны зүгээс ямар үзэл баримтлалтай байна вэ?

- И.Мөнхсаруул гэж эмэгтэй Чингис хааныг тодруулна гэж бөөн юм болсон. Тэр эмэгтэй Б.Галааридтай гурван удаа уулзсан байна билээ. Надтай уулзаагүй. Харин миний тухай элдэв долоон юм ярьсан байна лээ. Гэтэл Б.Галаарид надтай уулзаагүй байж, тэр эмэгтэйг надтай холбож бичиж, гутаан дормжлох гэж оролдсон.

Ер нь И.Мөнхсаруулд төрөөс дэмжлэг үзүүлсэн нь тодорхой байгаа. Чингис хааны нэрийг ашиглаж байгаа бүх үйл явц бол дэлхийд хүлээн зөвшөөрөгдсөн угсаа залгамжлах эрхийг эвдэж, өмч хөрөнгө, нэр төрөөс нь өвлөхийг оролдож байгаа үйл явц.

Дэлхийд хүлээн зөвшөөрөгдсөн өвлөх эрх рүү, хунтайжийн эрхрүү төр нь хүмүүсийг хатгаж, дэмжиж, мухар сүсгээр халдаж байна. Энэ бол хүн төрөлхтний эсрэг гэмт хэрэг.

Мөн Л.Эрдэнэбаяр гэдэг эмч И.Мөнхсаруулын талаар ярихдаа мөн л өөрийгөө Хунтайж гэж нэрлэдэг П.Давааням гэж намайг холбон ярьж, гутаан доромжилсон. Шизофрины тэддүгээр зэрэгтэй гэсэн. Тэгвэл Монголчуудын мөнгийг авч, татвараар сэгсэрч, гаднаас мөнгө, өр зээл тавьж дампууруулж байгаа хүмүүс шизофрины хэддүгээр зэрэгтэй болж таарах вэ.

- Тэгвэл таны хунтайжийн бүрэн эрхийг Засгийн газраас хүлээн зөвшөөрч, дэлхий нийтэд тунхаглалаа гэхэд та хамгийн түрүүнд юу хийх вэ?

Монгол Улсын иргэн хүн Чингис хааны агуу их соёлыг нээчихсэн байхад нээлтийг нь үнэлж, Үндсэн хуулинд заасан заалтаа биелүүлээд, хүндэтгэн хүлээн зөвшөөрөх асуудал л юм. Дээр нь Дэлхийн агуу их соёл иргэншлийн байгууллага учраас тэр түвшинд нь дипломат ёсоор, хүний эрхийн ёсоор олон улсын харилцаа, заншлын эрх зүйн ёсоор хүндэтгэн хүлээн зөвшөөрөх үүрэгтэй.

Түүнээс биш би хүндэтгэн хүлээн зөвшөөрч өгөөч гээд гуйгаад байгаа юм биш. Дэлхий даяараа, долоон субьектээр хүндэтгэн хүлээн зөвшөөрөгдсөн учраас би "хунтайж" байх бүрэн эрхтэй.

- Зорилгодоо хүрлээ гэж бодоход та хамгийн түрүүнд юу хийх гээд, тэмүүлээд байна вэ?

- Олон улсын заншлын эрх зүйгээ гаргаж тунхаглаад, түүнийхээ дагуу дэлхий даяар энэ агуу их соёл иргэншлийг глобалчлалын зарчимд оруулж, түгээх болно.


Энэ мэдээ танд таалагдаж байвал LIKE дараарай. Танд баярлалаа.

Танд www.NEW.mn таалагдаж байвал LIKE дараарай. Танд баярлалаа.


АНХААРУУЛГА: Уншигчдын бичсэн сэтгэгдэлд new.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 77115115 утсаар хүлээн авна.

202.179.27.1 зочин : өвчин нь хүнд хэлбэртээ орж байна эмчилгээгий нь хийгээсэй
202.179.24.2 зочин : шар хадныхан өвчитнүүдээ дэл сул явуулдгаа болимоор юм
112.72.11.1 зочин : tor ezgui tsagt ergui ***uud boon boonooroo toroh yumdaa
202.21.126. зочин : ийм сэтгэцийн өвчтэй хүмүүсийг нийгмээс тусгаарлаач ээ. ард түмнийг мунхруулахын л нэмэр
66.181.181.2 зочин : naad tsys n oirtson b***aigaa neg tiish n bol***ee
150.129.142 зочин : хөөрхий дөө энэ хүний өвчин нь хөдөлчихөж. шар хадныхан хүн сэтгэд гаргаж энэнд туслаач
БУСАД
СУРТАЛЧИЛГАА
СУРТАЛЧИЛГАА
СУРТАЛЧИЛГАА
СУРТАЛЧИЛГАА