2016 -оны 12 -р сарын 6
Миний үр ээж нь чамдаа захия

Миний үр ээж нь чамдаа захия
Манлайлагч болж бүгдийг удирд гэхгүй ээ
Магнайдаа алтан гоёлтой баян болоорой ч гэхгүй
Миний үр хүн чанартай л хүн болоорой

Хүн гэдгээ л ухаарч хол ойрыг нь мэдэж яваарай
Хүнд хэцүүгээс нь зугталгүй туулаад нэг үзээрэй
Ядарсан нэгэнд нь өргөлтэй яваарай
Яарсан нэгэнд нь садаа бүү болоорой

Амьтны үрийн хайрлаж байгаарай
Алдсан гэнэдсэнийг нь өршөөж байгаарай
Дутагдалтай битгий эвлэрч байгаарай
Дуу уянгалсан найрыг түрж сураарай

Тулгар эхийн урдуур гишгэдэггүй юм шүү
Төрсөн ижий дээр хоосон ордоггүй юм шүү
Идээний савыг хоосон буцаадаггүй юм шүү
Инээсэн бүхэн нь найз байдаггүй юм шүү

Буурлын үгийг дуустал сонсож байгаарай
Буян санаж нүгэлд гэмшиж сураарай
Ээж нь чамайг ангир уурагаараа амлуулахдаа
Эхийн цагаан сэтгэлээрээ тарнидсан юм шүү

Худал хэлэхээс зайлс хийж яваарай
Хусам өрмийг ялгаж шилэлгүй идээрэй
Халх цусаа хайрлаж яваарай
Хүлэг морио дээдлэж байгаарай

Эх орноо өмгөөлж яваарай ижийгээс нь ялгаагүй шүү
Элгэн саднаа түшиж яваарай эцгээс чинь өөрцгүй шүү
Багыг өөртөө хувааж сур баян байлаа гээд мөнх амьдрах биш
Бэлэн зүйлийг бүү хүс бүхнийг өөрөөл бүтээ чи чадна

Эрдэм багш анд гурвыг дээдэл
Эх орон элгэн садан ижилссэн ханиа хайрла
Эцэг эх энэрэнгүй нэгнээр жишиж амьдар
Энийг л ээж нь үрдээ аминчлан захия !!!........................bY Undraash


Энэ мэдээ танд таалагдаж байвал LIKE дараарай. Танд баярлалаа.

Танд www.NEW.mn таалагдаж байвал LIKE дараарай. Танд баярлалаа.


АНХААРУУЛГА: Уншигчдын бичсэн сэтгэгдэлд new.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 77115115 утсаар хүлээн авна.

СОЁЛ УРЛАГ
СУРТАЛЧИЛГАА
СУРТАЛЧИЛГАА
СУРТАЛЧИЛГАА
СУРТАЛЧИЛГАА